遊戲介紹
249 views 0 comments

死Q梗遊戲系列: 抄《鬥陣》又冇中文、又冇合作模式

by on 八月 14, 2017
 

遊戲名稱 : Agents of Mayhem
遊戲平台 : PC, PS4, XBox One
遊戲類型 : Action
開發廠商 : Deep Silver Voliation
支援語言 : 不支援中文, 不預購…咁話

嗰頭先講緊啲人有得揀人用嘅FPS就當係《Overwatch》, 估唔到而家係過份到連冇Online、Open World、第三身射擊都可以係「抄Overwatch」…唔.係.化…?

嚮講落去之前, 請細心聽我講一次: 「你可能覺得冇可能發生…但係, Overwatch都係抄Team Fortress出嚟的。」

第三身Open World喎大哥, 點Overwatch呀?

就係因為太多呢啲人, 啲大廠先會咁交叉硬膠, 睇住生意係咁跌都仲要出《Call of Duty: Advanced Modern Super Very High Tech Warfare in WW II》, 因為橫掂試新嘢, 啲人都會夾硬搵隻佢哋自己覺得係勁嘅Game嚟比較架啦!

發完脾四, 講返隻《Agents of Mayhem》, 我真係幾期待吓喎。一來我一向都幾喜歡《Saint’s Row》系列嗰種咩都誇張, 搞笑, 一啲都唔「正常」嘅感覺。二來今次隻《AoM》話就話都係嚮《Saint’s Row》個世界度發生, 但係設計同遊戲系統就有好大改變。

今集佢唔再係玩一個人, 你冇得自己設計人物。反而你係有12個呢啲Agents可以揀嚟用。每個人有唔同武器同技能, 每一個人都有一個清晰嘅背景故事, 唔似某隻O字頭遊戲咁出完大家都唔知點解啲人要互打…每次出任務你可以揀3條友組成一個隊伍。打打吓你可以隨時因應情況換人。我見啲人玩係可以玩到幾個人連大技咁去打Boss, 好鬼過癮。



睇佢點Balance 12個唔同人物, 真係唔係話咁易

睇佢點Balance 12個唔同人物, 真係唔係話咁易

好多人嘈佢冇Coop, 但係啲人都冇睇過佢哋點設計呢12個Agent。呢堆人啲攻擊同技能真係好唔同, 佢有傳統用鎗, 掟手榴彈, 又或者係用散彈鎗嗰啲, 但係又有啲人物係踩住溜冰鞋用Mini-Gun, 用弓箭, 又或者係忍者埋身斬人嘅。淨係睇佢點設計呢12個人做到佢好有分別同埋點平衡隻遊戲都已經頭都痛。如果加埋Coop… 有都唔慌好玩。

隻Game係以未來嘅南韓做背景, 係一個Open World咁, 任你走來走去, 想點搞事都得。你玩呢個《Agents of Mayhem》嘅組織係一班九唔搭八有人渣垃圾、有過氣荷理活明星、有嚴重暴力傾向嘅智障, 個感覺就好似《Guardians of Galaxy》班友咁。你面對嘅係一個超級壞蛋組織, 佢哋啲計劃又係勁過癮, 例如用Tractor Beam想拖舊隕石落嚟地球咁。

講真, 即使我幾睇好呢隻嘢, 覺得佢做得幾好都冇用。我認為佢死嘅機會好大。因為睇吓啲人嘅心態, 十個有九個都只係想要有Coop, 又有人話$60隻Game冇Multiplay, 冇得設計人物之類…

大家都好似仲未明…呢隻唔係《Overwatch》, 甚至已經唔再係《Saints Row》。點解唔試吓用其他角度去睇佢?

Agents of Mayhem》將於8月15日推出。