艾殊網誌
236 views 0 comments

電腦大爆炸! A.I.暴走呀, 實牛皮!!

by on 八月 4, 2017
 

sensationalist

/sɛnˈseɪʃ(ə)nəlɪst/
noun
noun: sensationalist; plural noun: sensationalists
  1. a person who presents stories in a way that is intended to provoke public interest or excitement, at the expense of accuracy.
    「sensationalists got their kicks out of misreporting the murder」
adjective
adjective: sensationalist
  1. presenting stories in a way that is intended to provoke public interest or excitement, at the expense of accuracy.
    「sensationalist reporting of the latest alleged cancer cures」

Google預測人類於2029年滅亡、Facebook緊急關閉暴走A.I.、霍金警告人類唔好上月球、連NASA請個Post都搞到要好似係請緊地球防衛軍咁…

個情況根本就係好似當年「千年蟲」去呃老人家要買定藥一樣。利用大眾對科技同埋新嘢認知不足, 為咗炒作賺錢而寫出嚟。可能佢哋最後個內容有解釋返正確嘅事實, 但係問題係班讀者又因為篇嘢個題夠「轟動」, 睇都唔睇就去Share…搞到最後明明係假嘅都變真, 明明係誇大嘅都變事實。

我都講唔止一次…呢個係Facebook成為商業道具, 完全擁抱靠呢班Sensationalist嚟賺錢嘅後果。

講返A.I.單嘢。真係有人信到十足, 覺得咁搞落去世界會俾佢哋統治, 我哋要好小心…之類之類的。其實我想提一提, A.I.唔係咩咁巴閉嘅嘢, 你打機見到嗰啲人物、敵人, 全部都係A.I.嚟。

所謂A.I., 咪就係一堆Routine叫佢你遇到A情況就做X呢樣嘢。愈複雜嘅A.I.就愈多分岐, 例如: 遇到A情況, 睇吓1成唔成立, 如果唔成立就睇2成唔成立, 如果都係唔成立就做Y, 如果成立就做Z… 就係咁簡單。

所謂A.I.學嘢, 就係會記錄低某啲參數, 之後建立成一個數據庫, 等之後預到同樣事情時, 可以參考返入面嘅數據去作出更準確判斷。例如, 當個玩家用完A呢招, 30%會用B, 20%會用C, 50%會用D… 而迴避B嘅方式係X, 迴避C嘅係Y, 迴避C嘅係Z…咁即係最好嚮見到玩家出完A之後, 個A.I.就用定Z嚟避啦。



當然我係過份地簡化曬啲例子, 但係其實所有在Programming上面嘅Principle咪就係咁之嘛。要做到好準確嘅判斷一樣嘢, 其實要嘅數據係好大量, 唔係話咁易可以做到。

因為有咗Internet, 而家取得大量數據嘅方法簡單咗好多。於是乎所謂嘅Machine Learning就應運而生。好似Amazon.com咁, 佢個推介產品方面十分之準。曾經有個故事係, 一個女仔收到Amazon一封恭喜佢有咗BB嘅Email。佢覺得係Amazon搞錯咗而走去投訴, 點知之後佢發現自己真係有咗。因為呢單嘢太過恐怖, 於是乎Amazon決定改一改佢哋個分析, 令到個「A.I.」唔好分析得咁細。

我唔知呢單嘢有幾真啦, 不過Machine Learning就係咁, 透過用戶嘅行為同習慣, 嘗試去預測其他人嘅興趣。有咗大量嘅用戶, 加埋有辦法可以有效率咁去儲存同分析呢啲數據, 於是乎Google就可以透過每個地區嘅Search歷史, 準確咁判斷到流感去嚮邊一個地區爆發。

聽落真係幾恐怖咁, 但係你又想想, 個電腦唔會無啦啦識得走去分析呢啲數據。對佢嚟講, 呢啲只係一堆Data。佢都仲係要靠人去話俾佢聽呢啲Data之間嘅關係, 同埋點樣運用嚟做出啲咩判斷。

如果要好似啲人講咁兩個A.I.叛變, 自己發明一套語言…首先, 佢套語言都係要由你教佢先。之後佢要無啦啦唔知點解學識唔用呢套已經行得通嘅語言而去改用另一套。個動機係咩? 唔好忘記, 個動機都係要由人Program入去架喎。你明唔明呀? 如果A.I.要叛變, 佢其實連語言都唔駛用架! 啲「語言」係顯示出嚟俾你哋人類睇架咋!

點都好, 要發展A.I.到有一日會叛變, 做到好似Skynet咁我哋仲有好長嘅路要走。你要俾A.I.有權去自動管理你啲重要系統, 你要教到個A.I.咩嘢叫做「自己」, 你要個A.I.學到「自己」有幾重要, 你要個A.I.識得自己寫Code, 唔用你寫嘅Routine…去到嗰一步之前, 人類可能已經自己殺曬自己先。