艾殊網誌
192 views 0 comments

7分鐘嘅片、五十個鐘嘅奮鬥

by on 八月 2, 2017
 

表面上一條7分鐘嘅片, 背後有五十個鐘嘅奮鬥。

寫稿、資料搜集、修飾、改錯, 最少要用上十個鐘時間。錄音加埋聲音後期製作又要用上幾個鐘。之後剪片、配樂、錄片、因為Facebook而加字幕…呢Part起碼要用兩至三日時間。有時做做吓會有更多Idea, 又額外再加多啲時間落去, 拍多啲片段、搵多啲資料。一條片, 以我初哥水準, 要做得好的話, 真係五十個鐘冇走雞。

之後嘅宣傳、Post上各大Social Media、Monitor每一個Post/video表現、睇同回答Comment (如果咁好彩有的話)、應付啲大廠同片商無啦啦Copyright Claim你條Video; 呢啲係每日一有空閒就要做。其實入面真係傾注好多好多心血。講到呢度, 就要Quote吓某白癡眼濕濕咁講一句:「我哋係…Like Like皆辛苦… 嗚嗚嗚…」

所以有時真係唔係話想過份著緊…而係當你真係付出咗咁多努力, 見到有一個Like、多一個Subscriber都會覺得好高興, 甚至會高興得同身邊嘅人講: 「好嘢! 我有58個Subscriber喇!」。 但係, 同樣, 每一次見到有人Unsubscribe亦會令我十分之緊張, 覺得係唔係做錯咗咩, 係咪有咩要做好啲? 係唔係啲片唔啱睇? 係唔係Quality太差? 係唔係隔得太耐冇新片? 係唔係放得太多時間去做Website, 忽略咗YouTube?

同做電視、大頻道唔同, 做YouTube所有責任同埋成敗, 都係嚮一個人嘅身上。強如AngryJoe呢個Channel, 佢都有搞唔掂嘅一日。佢都要靠上傳啲即食Content嚟頂住收入。但係換來就係大家話佢點解唔再做Review, 點解淨係將啲Stream嘅片段放上去…講真, 真係好難做。

YouTube又有一個乞人憎嘅機制係, 廣告都係俾大Channel優先。唔單止咁, 仲要係成日有Update嘅大Channel會優先, 以及嚮推介上面出現。一啲有名啲嘅Channel,  一星期Upload一條片都勉強過得去。但係細Channel, 真係要日日都Upload先可以Keep得上YouTube要求。

今日我坐嚮度望住我嗰56個Subscriber (係, 又走兩個)… 只係想寫低以上嚮我個腦中嘅嘢。對你嚟講, 係禁個制, Like, 唔Like, Subscribe, Unsubscribe…對一個Content Creator嚟講, 你呢一吓動作, 係佢哋嘅生命… 所以嘛, 有時唔需要太Mean嘅。